Nú er það blátt

HelgaLiljaBergmann
Helga Lilja Bergmann.

Núna er blár apríl, talað fyrir vitundarvakningu um einhverfu. Blá ljós og blá föt, fjáraflanir, ráðstefnur, málþing og fundir um hitt og þetta. Stöðvum mismunun gegn einhverfum!

Öll umfjöllunarefnin eru málefni sem lúta að lífi sonar mins sem er fullorðinn og einhverfur. Atvinna, húsnæði, framtíðarhorfur og fordómar. Á fundum og málþingum tala fræðingar og aðstandendur, en er einhver að hlusta?

Sonur minn og aðrir einhverfir virðast vera á hliðarlínunni, það er verið að fjalla um þau en þau eru ekki endilega á staðnum, og ekkert gerist, hann fær enga vinnu, hann fær ekki húsnæði við hæfi eða þá aðstoð sem þarf og framtíðarhorfurnar eru ekki beisnar.

Satt best að segja er mér er nokk sama þó að almenningur sé fáfróður um einhverfu, það eru kerfin, ríki og borg sem skipta máli. „Kerfið“ bregst ekki við leikskólakrökkum í bláum fötum eða byggingum böðuðum bláu ljósi, það erum við sem stöndum honum næst sem þurfum eftir sem áður að berjast fyrir öllu og oft og iðullega  aðeins til að komast að því að það er ekkert að fá.  Ég sendi umsóknir um atvinnu fyrir hann, þeim er ekki svarað, sæki um húsnæði með aðstoð, biðtíminn er því  miður mörg mörg ár, bið um liðveislu, því miður enginn sem vill vinna við það núna, panta viðtöl, ýti á eftir tregu og seinvirku kerfinu. Hef gert það síðan hann var pínu lítill, mun gera það þangað til ég verð gömul.

Á meðan erum við félagskapurinn, húsnæðismiðlarar, liðveisla, allt sem við getum svo að hann týnist ekki í einhæfri veröld sinni.

Helga Lilja Bergmann

 

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s